كيف اتخلص من النمل في بيتي

انتصرت على النمل! ….ورجعت البسكوت! كيف اتخلص من النمل في بيتي

سؤال متكرر: كيف اتخلص من النمل في بيتي ؟

لقيت علبة البسكوت الكبيرة مليانه نمل وانا لسه أصلا مفتحتهاش. الأول أخدتها على البلكونة وسبتها شوية لغاية ما نص النمل مشى وباقى الحبه اللى لسه داخل الكيس الداخلى بتاع العلبة.

جبت صينية ومليتها شوية ميه وحطيت فيها علبة تكفى كيس البسكوت وسبتها يوم…طبعا النمل اتجمع مع بعض على طرفين العلبة وشوية منهم وقعوا فى الميه وهما بيحاولوا يمشو ومافضليش غير كام واحدة محتاسين فى النص!!! طبعا قتلتهم! أيوة وبعدين لميت اللى على الأطراف وقتلتهم برضو! ربنا يسامحنى بقى. وبعدين فتحت كيس البسكوت لقيته الحمد لله زى ما هو، مجرد اتنين او ثلاثة ملحقوش يطلعوا من الكيس وماتو كمان لوحدهم.

وقاعدة باكل البسكوت دلوقتى بمنتهى الزهو بالانتصار!

كيف اتخلص من النمل في بيتي

الملخص والدروس المستفادة:

–          لما تلاقى أكل كتير جالو نمل بلاش ترميه علطول فكرى الأول يمكن نقدر ننقذه.

–          ما تقرفيش من الأكل لأن النمل مش بيعمل حاجة لو انقذناه ممن ناكله تانى عادى

–          نخلى بالنا المرة الجايه حتى لو العلبه جديدة ونحفظها فى الثلاجة او علبه محكمة الغلق

–          فى أكثر من طريقة ننقذ بيها الأكل من النمل حسب نوعه:

1- نسيبه فى الشمس يقوم يهرب لوحدة (مع المكسرات مثلا أو الحبوب المختلفة)

2- ندخله الفرن وبرضو حيموت ويفضل الأكل سليم (البقسماط أو بعض البسكوتات)

3- نضع الأكل فى طبق داخل صينيه بها شوية ميه ولما يحاول يهرب حيقع فى المياه.

طرق التخلص من النمل فى البيت 

كيف اتخلص من النمل في بيتي

Read More
النمل فى المنزل

كيف أمنع النمل من السيطرة على منزلى؟

غالبية الناس تتعامل خطأ مع مشكلة وجود النمل بالمنزل، وتقوم باستعمال المبيد الحشرى فورا وقت رؤية النمل وترش عليه مباشرة فتتخيل أنها بذلك قضت عليه، ثم تتعجب غذا ظهر مرة أخرى بعدها مباشرة.

النمل مملكة كاملة منظمة ولها قواعد وخطط ربما أكثر وأعظم من بنى البشر! وعلينا فهمها جيدا إذا أردنا العيش بعيدا عنها فى سلام.

النمل كائن مسالم يبحث فقط عن الغذاء وهذا هو السر فى دخوله منازلكم، فهو يأتى ليلتقط الفتافيت المتناثرة على الأرض هنا وهناك، ولكن علينا أن ندرك أيضا أنه يتطور مع الوقت وأصبح يأكل أكثر من السكر والعسل بل أحيانا الملوخية !!

فيما يلى كل الاحتياطات والوسائل التى يمكن ان نتجنب بها دخول النمل ونعالج الموقف إذا وصل:

أولا: نظفى الفتافيت أولا بأول وامنعى تناثر الأطعمة هنا وهناك واستخدمى العلب ذات الأغطية دائما لحفظ جميع المأكولات بلا استثناء وبذلك تمنعى من البداية سبب زيارة النمل للمنزل.كيف أمنع النمل من السيطرة على منزلى

ثانيا: الوقاية خير من العلاج

بعد التنظيف رشى مبيدك الحشرى فى أركان المنزل ورشى حول الأبواب والشبابيك من الخارج

ثالثا: إذا حدث وظهر النمل، لا ترشى عليه مباشرة، اتبعى الطابور الطويل وصولا إلى منزله وهنا استخدمى الرشاش ذو الانبوب الطويل أو السرنجة لرش بيت النمل (الفتحة الصغيرة) ثم سديها بواسطة الصابون أو الأسمنت الأبيض حسب نوع المكان.

كيف أمنع النمل من السيطرة على منزلى

رابعا: استخدمى الخل

اعلمى أن الخل يمنع وصول النمل وهو أيضا معقم طبيعى ولا ضرر منه على المأكولات أو الأطفال، امسحى دائما أسطح المطبخ (بل ويمكنك مسح الأرضيات ايضا) بالخل المخفف بالماء، ويمكنك إضافة بعض قطرات من ماء الورد لإضافة رائحة.

خامسا: حاولى السيطرة على الأبناء بعمل قاعدة لعدم الأكل فى غرف النوم أو إلقاء أوراق الحلوى فى سلة مهملات الغرف، ولكن عليهم إلقائها فى المطبخ مباشرة. بحيث تحكمى مكان تناول الطعام بقدر الإمكان.

سادسا: مبيد حشرى قوى مخصص للحدائق والمناطق الزراعية يسمى (الملاثيون) يمكنك استخدامه بعد تخفيفة كثيرا بالماء ويرش خارج المنزل حول فتحات الدخول كالأبواب والشبابيك وعند الضرورة داخل المنزل للوصول إلى بيوت النمل.

دمتم بخير.


كتيب تنظيم المطبخ

my utube

كيف أمنع النمل من السيطرة على منزلى

Read More