ثمن الكراكيب

ما ندفعه ثمنا لعدم التنظيم

من دراسات أجريت فى بعض الدول وملاحظات على تصرفات الأشخاص وعاداتهم الشرائية، هذه هى لمحات سريعة:

  • يقضى المصريون ساعتين تقريبا يوميا فى النظر فقط إلى الأشياء
  • تقضى السيدات ساعات طويلة فى الأسواق التجارية بدون الحاجة إلى شراء فعلى لأى شىء
  • 80 % من الكراكيب ليست بسبب قلة المساحة التخزينية
  • يوجد ما يقارب من 15 بليون قطعة لا تستخدم فى الأدراج المهملة
  • ما يصرف على تجديد المنازل يتوجه عادة إلى الاثاث والديكور ويهمل تماما أماكن للتخزين أو أدوات لتبسيط الحياة
  • 75% من الحمامات تتسع لبعض أماكن التخزين ولكن لا تحتوى أيها
  • 20% من دخل بعض الأسر يصرف على أدوات لا تستخدم إلا مرة فى العام

نتائج ذلك:

  • الكثير من الوقت الضائع فى أعمال غير مفيدة لك أو للأسرة
  • عدم السيطرة والشعور الدائم بوجود كراكيب
  • تكدس أدراج عديدة بالمنزل بالكراكيب بدون حاجة فعلية
  • الإحساس بعدم الراحة فى المنزل
  • صرف مبالغ طائلة على أشياء غير ضرورية تؤثر على ميزانية الأسرة

ماذا يمكننى أن أفعل؟

  • عدم الخروج للأسواق إلا عند الحاجة إلى شراء أغراض بعينها وعمل قائمة مشتروات والإلتزام بها
  • التخلص فورا مما لا يستخدم من الأدوات والأوراق والأغراض الخفيفة بدلا من وضعها المؤقت داخل أول درج يقابلك
  • الاستثمار فى الآثاث العملى ذو المساحات التخزينية بدلا من الديكورات الغير عملية (كالمناضد ذوى الادراج أو الأرفف السميكة)
  • التخطيط لمساحة تخزينية فى المنزل ولو بسيطة للأدوات المنزلية أو حقائب السفر أو أدوات الغطس والأغراض التى لا تستعمل إلا سنويا
  • عدم الإنسياق وراء العروض المغرية من المحلات خاصة على أشياء لن تفيد أسرتنا فى الوقت الحالى

تنظيم الاشياء فى المنزل

Read More
بقشيش وفلوس فكة

إحسبيها تفهميها!

 بقشيش وفلوس فكة

المبالغ الصغيرة (الجنيهات ) اللى بتديها بقشيش  “tips” فى أى مكان أو مصروف أولادك وهما نازلين المدرسة او تسيبيها حتى بدون داع فى اى باقى فى أى محل !!!!! اجمعيها كدة…..حتطلع كتير صح؟…..

يعنى لو بتدى ابنك 5-10 جنيه فقط كل يوم وهو نازل المدرسة (مع العلم انك مديه له أكل وعصير وغيره من مصروف البيت برضو) وأنت عارفه انه حيجيب بها حاجات غير مفيدة، وبافتراض انه طفل واحد فقط…..فده معناه من 150-200 جنيه شهريا للطفل الواحد مصروف على حاجات غير صحية.

وكذلك البقشيش والركنة (الإجبارى)..احسبى كام مشوار فى اليوم بتدفعى فيه كام (10 جنيه) -رقم قليل جدا مش كدة؟- لكن ممكن يجمع لك فى الشهر 200ج على أقل تقدير.

دى بالنسبة لك كمديرة مالية للبيت مصاريف نثرية ولكنها هنا اتصرفت على الهوا بدون أى فائدة محققه فى المقابل.
(ولو اعتبرتيها صدقة ده موضوع تانى لأن المنادى ده بطالة مقنعة ولا يقدم خدمة مقابل النقود ولكنه لا يجد وظيفة أو مش عايز يشتغل عشان بيطلع أكتر من فلوس حضرتك…مش موضوعنا دلوقتى!!)

أكيد أنا مش بقنعك تكونى بخيلة على أولادك ولا على المنادى ..!!!.. لكن أحب أقول لك فقط للتذكرة أحسبيها للعلم فقط عشان تعرفى فلوسك بتروح فين كل شهر. ولو حبيتى ومش عايزة توقفى صرفها، أعملى لها ميزانية أو رقم محدد (يعنى مثلا مصروف أولاد: 150 ج فى الشهر فقط تقسم يوميا أو زى ما تتفقوا مع بعض ومش حبعت معاك عصير !!! J )

planner banner

إحسبيها تفهميها!

Read More