Organized Kids TOT

Organized Kids

would you like to become a children trainer?
Want to help them become better citizens?
Do you have the ability to teach and be creative?
Would you like to see kids more organized and time sense?
Want to help kids perform better in school and be responsible?
Are you working freelance or with centers?

Then this NEW program is for you.
Read More

تنظيم مكان المذاكرة بطريقة بسيطة

أحد العوامل المؤثرة فى انتاجية طفلك وتركيزه اثناء المذاكرة بالبيت هو مكان العمل وهو تنظيم مكان المذاكرة ومدى راحته فيه بل وعدم تغيره باستمرار. ولذلك ربما يجب معرفة أهم الأمور التى يمكننا بها تصميم وتنظيم مكان لمذاكرة أطفالنا بالبيت.

تنظيم مكان المذاكرة

 1-   المكتب والكرسى

علينا البدء باختيار مكتب او طاولة مريحة ومناسبة لطول وعمر الطفل أو الطالب وتخصيص مساحة لها بغرفته أو أى مكان أخر بالبيت على شرط أن يكون هذا الموقع هو (مكان الدراسة) فقط ودائما.

يجب أن يقع ارتفاع المكتب فى مكان ما ما بين وسط الطفل وقفصه الصدرى وبحيث أن تستلقى قدماه مرتاحتين على الأرض. يمكنك التخلى عن الكراسى المتحركة والتى تتمرجح بالجالس عليها حتى لا تشتت التركيز.

مكان المكتب يجب أن يكون جيد التهوية وذو درجة حرارة مناسبة وبعيد عن التلفاز أو أى مشتتات صوتيه أخرى.

 

2-   الإضاءة المناسبة والواضحة

الإضاءة الخافتة قد تؤثر بشدة على الرؤية وعلى العين فيما بعد. ضعى مصباح للمكتب مركز على الكتب وليس على الشخص. أو تأكدى من أن إضاءة الغرفة تقع على المكتب وليست تظلله.

 اضاءة المكتب
 تنظيم مكان المذاكرة

 3-   وحدة حفظ الكتب وغيرها

لا بد من توافر بعض الأدراج فى المكتب أو بجوار المكتب لحفظ الكتب والأغراض المدرسية حتى لا تتناثر أو يتغير مكانها مما يسبب ضياعها وضياع الوقت.

نظمى حسب المادة الدراسية (درج لكل مادة إن أمكن)  او حامل عريض لكل أوراق المادة الواحدة (انظرى الشكل)

4-   الأدوات المكتبية

تأكدى من توافر كل الأدوات التى يحتاجها الطالب على مكتبه أو قريبه منه حتى لا نضيع وقت يوميا فى البحث عن ما نريد.

تنظيم الادوات المكتبية
لوحة الحائط

 5-   لوحة الحائط

تساعد هذه اللوحة على تذكر المواعيد المهمة للأعمال والواجبات المدرسية أو المناسبات الخاصة بالطالب. وضع جدول المدرسة أو الامتحانات وضبط المواعيد.

أيضا تساعده على تذكر بعض الموضوعات الصعبة كجدول الضرب مثلا أو قواعد الإعراب، كونها دائما أمام عينيه وفرصتها أكبر فى الثبات فى الذهن.

قد تمنحه أيضا هذه اللوحة بعض المرح بلصق صورته المفضلة أو ورقة لونها بنفسه أو غيرها من الأغراض الخاصة المبهجة.

اضغطى هنا لكيفية عملها

6-   التنظيم سر النجاح

لا بد من التعود على التنظيم وتشجيع الطفل منذ الصغر على ذلك وتهيئة المكان ثم مطالبة الطفل ومساعدته على التنظيم.

–        شجعى طفلك وذكريه باستمرار بضبط وضعيه الجلوس الصحيحة (افرد ظهرك – ارفع رأسك بعيدا عن الكتاب)

–        ضعى بجانبه أو على الحائط ساعة حتى يشعر بقيمة الوقت أو ينظم حسب أعماله.

تنظيم مكان المذاكرة

 

تخصيص وتنظيم مكان المذاكرة

تنظيم مكان المذاكرة

Read More

الطفل العنيد..المعاملة والعقاب

بقلم: دعاء صفوت

اكاد اكون ما قابلتش ام الا وهي بتشد شعرها من عناد اطفالها في السن دا.
و للاسف الشديد جدا أجد أمهات بتضرب اطفال في السن دا عشان  عنيد و عايز يمشي اللي في دماغه !!.

طيب خليني أقولك يا أم العنيد هنيئا لك بابنك.. عناد الطفل في هذا السن يعني ولله الحمد انه لا يعاني من التوحد ولن يعاني منه
و دا مش كلامي والله دا كلام دكاترة تربويين كبار أفتو بأن العناد حاجة إيجابية.. اه والله حاجة ايجابية زي ما باقولك كدا

و انه اعلان الطفل لاستقلاله والطفل بيقول انا كائن حي لي شخصية و طلبات و ان الطفل كلما كان عنيدا في الصغر كان قوي الشخصية مستقل في الكبر
يعني مش اي مجموعة اصدقاء سوء هاتلعب بدماغ ابنك

ولكن المشكلة فين بقى؟ المشكلة في الامهات اللي بتحط راسها براس الطفل و تعتبر انه عشان يبدو عليه انه فاهم فهو بيعاند غيظا فيها و نكاية بها هي الام المسكينة و تلاقيها تتشال و تتحط و تصرخ في كائن صغير بيمارس حقه الطبيعي في النمو

العناد مرحلة زي التسنين كدا وزي الفطام، لو تعاملنا معاها صح هاتعدي و خلاص لكن لو حاولنا نكسر الولد عندي حل من اتنين :

  • يا اما الطفل هايتستلم و يبقى طفل جبان خواف عديم الشخصية و يلجأ عقله للعناد السلبي.. يعني هو مش هايقولك لأ ولا يعاندك بس جسمه بيعاندك فنلاقي تأتأة، تبول لا ارادي، عنف، قرص و ضرب و عض
  • او الطفل هايكون شخصية قوية و يتسمر في العناد و يتعلم منك انتي طالما بتعاندي قدامه ان العناد سلوك مقبول ويعاند قدامك اكثر و هنا يتحول العناد من مرحلة الى صفة هاتعاني منها كتير بعد كدا

و العناد بيبدأ من سنة ونص الى سنتين ويختفي عند الثلاث سنوات تقريبا اذا تم التعامل معاه صح وعلى اساس الحوار واساس الخيارات وعدم الصراخ والضرب
ويرجع تاني عند سن الخمس سنوات، وهو عناد ليه، يعني الطفل بيعاند عشان عايز يفهم كل حاجة ليه ليه ليه، و هنا للاسف بعض الامهات بتزهق و تبتدي تقابل ليه الطفل بصراخ وان الطفل كدا بيعاندها ومش بيسمع الكلام ثم يختفي عند الست سنوات تقريبا ويرجع تاني بقى في ازهى صوره في سن الثمان تسع سنوات و يكون تمهيد لمرحلة المراهقة.. اللي العناد فيها شعار كبير اوي

كيف أتعامل مع الطفل العنيد؟

في السن الصغير اللي هو سنة وشوية سنتين، مطلوب مني اني اتقبل عناد الطفل و بلاش اصغر عقلي و حطي نفسك مكان الطفل، هو دلوقت سمة من سماته انه عايز يستكشف الدولاب، و انتي قولتي له لا. لأ بتاعتك عشان الدنيا ما تتبهدلش وانتي مش كل شوية هاتوضبي الدولاب و يا لهوي و يا خرابي
و الطفل عنده غريزة بتقول له استكشف عشان تنمو لازم تستكشف فيروح الطفل عند الدولاب تاني وانتي بقى يا ماما يا عاقلة تعتبري هذا الطفل الصغير بيتجرأ و يعصى اوامرك، و تقومي مزعقة و تقولي له انا قولت لا
طيب تشرفنا.. انتي ماما وانا الطفل اللي بينمو.. غريزتي مفهومة بالنسبة لي عن اللا بتاعتك دي.

يقوم الطفل يبصلك و يضحك.. في محاولة منه لاستعطافك او محاولة تغيير رايك.. مش محاولة لاغاظتك و تحديكي والله العظيم الطفل اكثر براءة من الفكرة المريضة دي. يضحكلك و يروح عند الدولاب. ويفتحه و يبهدل الدنيا

و انتي ترجعي تلاقي الهدوم في الارض تصابي بسكتة قلبية عشان الدولاب اتبهدل وهذا الكائن الصغير في ركن الدولاب تحداكي و كسر اوامرك وغاظك ونرفزك و انتي دلوقت غضبانة ومش شايفة وكل اللي بتفكري فيه هو تأدبي الولد دا ازاي ؟ !! لا في الواقع هو انتي بتفكري تنتقمي ازاي
و تقومي مصرخة وطراااااخ ضاربة الولد !! طب حطي نفسك مكانه: هو عايز يتسكشف ..ما ارتكبش جريمة.

كان الاولى بك لما تشوفيه بيحوم حوالين الدولاب انك تبادري و تفتحي الدولاب و تفرجيه على الهدوم بدل ما انتي شغلتي اسطوانة لا.. و انا قولت لا
و لو ما عملتيش كدا و سبتيه لما بهدل الدنيا و قولتي له يساعدك في ترتيب اللي بهدله هايتعلم
.و لو اصلا سبتي ليه ضرفة شوفونيره فاضية و حطيتيله العاب يفتح و يلعب بدون بهدلة يبقى احسن و احسن و احسن
.في بدائل كتير بدل موجة الغضب العارمة اللي عملتيها

الطفل العنيد مش طفل شرير عايز يؤذيكي بينما غضبك و عصبيتك بتؤذيه
حاسة انك مضغوطة و هاتهبي فيه، ما تاخديش رد فعل ، روحي الحمام اغسلي وشك و ارجعي بهدوء.  افتكري دائما انك كدا لو ضربتيه انتي بتهدمي شخصيته و استكشافه و بتعرضيه لعناد اكبر ولعلمك الطفل باله اطول مننا احنا فانتي اللي هاتخسري.
كمان بدل ما اقول للطفل البس التيشرت الاخضر وهو يصمم على الجاكت الكحلي الشتوي في عز الصيف، .انا اطلع له الحاجات المسموح انه يلبسها يعني اخليه يختار ضمن خياراتي، و كدا انا اكسب و هو يكسب

و بدل ما اقوله تعالى كل، فيقول لا.. احول السؤال لاختيارات، هاتاكل مكرونة ولا رز، و بالتالي لأ العندية ما بقتش خيار.

الموضوع عايز ذكاء وقوة شخصية، لأن فقط الشخصيات الضعيفة هي اللي مش بتقدر تتحكم في غضبها لدرجة ممكن تؤذي بها فلذات اكبادها.  اما بقى الحجة الاسخف في الكون ..أصله بيحرجني قدام الناس! عشان الناس هاتدمري ابنك؟ عشان كلام الناس هاتدمري شخصيته؟ عشان كلام الناس هاتخليه جبان و خواف و مهان الشخصية..؟
.هنيئا لك الناس

 ايه الحاجات الي بتخليكي تفكري تضربي او تعاقبي طفلك خلال اول سنتين من حياته؟

لو فكرت شوية تلاقيها كلها تصرفات طفولية لا تستدعي كل هذا الغضب و انك عشان هي مضغوطة بتزعقى.
فى أول سنتين من عمر الطفل لا يجوز معاقبة الطفل، فقط مدح السلوكيات الايجابية و اكررها للطفل عشان يعرف ايه الحلو اللي عمله و يعمل زيه تاني و اشجع و اشجع.

الاطفال في السن دا كتلة من الطاقة لازم تواكبيها. العناد يعني ان الطفل له شخصية. انتي مش بتربي حيوان اليف يطيع كل اوامرك و طلباتك
. الطفل بيعاند لانه بيقول انا لى شخصية و رأي وانتي نفسك عنيدة لما تعاندي قصاده
.وتيجي ام بعد كدا تقولي ابني بيرد عليا الكلمة بكلمتها، زعيق بزعيق، لدرجة انها وصلت للشتم..
ببساطة ابنك بيحذو حذوك!

أنتي الكبيرة العاقلة الناضجة اللي المفروض تحتوي ابنك و تقربي من وجهة نظره ،انتي مش على طول صح وهو عنده وجهه نظر هو شايفها صح ودورك انتي تشوفي اللي الطفل شايفه و تقدريه وتفهميه.
و ابنك مش متنفس غضبك و الكبت اللي انتي فيه
ابنك امانة من ربنا والله العظيم هاتحاسبي عليها اشد الحساب
انتي مش طالبة من الناس تقدر ظروفك و نفسيتك و اعصابك و انتي مش مقدرة ظروف و قدرات و احتياجات اقرب الناس واكثر الناس احتياجا لك
مافيش ام تقولي أصلي عصبية، أو أصل البت بتتحداني (والبت دي تكون سنتين ولا حاجة)
الواد بجح عينه في عيني و باقول له لا و يعمل اللي هو عايزه بردو.

الولد بيلعب في الطين مع انه عارف انه كخ. طيب كخ من وجهة نظر الكبار و لكن دا حاجة جميلة اوي من وجهة نظر الاطفال و ملمسه مثير للحواس و الاستكشاف وقولي كخ من هنا لبكرة مش هايسمع. عايزة تقولي له كخ اوجدي له البديل.. لاعبيه بالعجين، لاعبيه بمية و نشا عشان ملمسها ظريف، لاعبيه برمل نضيف عشان تشبعي غريزته.

اه و اخيرا و بالمناسبة الطفل ما يفهمش كلمة عشان الدنيا هاتتبهدل ولا هاتوسخ هدومك ولا الضيوف جايين. بالنسبة له اللي بتقوليه دا هراء،ما توضبي الدنيا وتغيري هدومي و يا اهلا بالضيوف.

.يا ريت تكوني واقعية في الحاجات اللي بتمنعي عنها طفلك و بتزعلي منه و بتعتبريه بيعاندك عشانها.

كتيب تنظيم المطبخرابط صفحة الاستاذة دعاء صفوت

Read More
أنا وأطفالى فى السوبرماركت

أنا وأطفالى فى السوبرماركت!

انا وأطفالى فى السوق

كيف أتعامل أنا وأطفالى أثناء التسوق؟

كثيرا ما يتسبب الأطفال فى إحراج الأم أثناء التسوق وشراء الاحتياجات بالعند أو البكاء بخصوص طلبات معينة أو رغبة فى الشراء وغالبا ما تكون أغراض غير مفيدة لهم او ربما مرتفعة الثمن ولا تريد الام أن تضطر لشرائها.

الحل لهذه المشكلة يبدأ قبل الذهاب للتسوق ومنذ أن يبدأ الأطفال فى الفهم والكلام. علينا منذ البداية أن نتحدث معهم ونرشدهم لواقع عملية الشراء وسببها و توعيتهم بمضار الحلويات المعينة و ما يسمح لهم بتناوله وشراؤه حفاظا على صحتهم. وربما توضيح بعض مبادىء التسوق الذكى.

سيأخذ هذا وقتا لكن النتيجة ستكون اكثر إيجابية من أن نمنعهم أو نترك لهم الحرية المطلقة فى اختيار ما يتناولوه. وبالنسبة لمشكلة عناد الطفل أو صراخه أو تمسكه برأيه وهو معك فى السوبرماركت مثلا فاليك بعض الحلول التى قد تساعدك على تخطى هذا الموقف الصعب:

1-      اتفقى مع طفلك قبل الذهاب للمتجر على الأشياء التى يريد أن يشتريها فعلا. وفهميه أن عليه الالتزام بهذا الإتفاق. وقوموا معا بكتابة قائمة المشتروات الخاصة به.

2-      امنحيه بعض الجنيهات البسيطة واتفقى معه على أن هذا فقط هو المبلغ الذى يمكنه الشراء به وسيكون مسئولا امام البائع بالدفع به ولن يسمح له بالمزيد أو أن تدفعى له. سيشعره ذلك بالمسئولية ويجعله ينظر الى الأسعار قبل الاختيار.

3-      وضحى له أن عليكم شراء الضروريات أولا  والتى لا يمكننا العودة بدونها قبل أن نشترى أى أغراض أخرى. وكذلك الحال فى المحلات الأخرى غير السوبرماركت ومحلات الماكولات والبقالة. فالملابس والألعاب أيضا نشترى منها المفيد أو المهم او الضرورى اولا قبل التفكير فى قطعة إضافية.

4-      تحدثى مع طفلك عن أنواع المأكولات والغذاء الصحى حيث يؤثر هذا على قراراته الشرائية. وكذلك شرح أضرار أنواع معينة من السكريات أو الحلويات على صحته. وربما يمكنك جعله يشاركك فى وضع الأغراض فى العربة أو إحضار غرض ما فشعورة بأهمية العمل وأنه يشارك فيه ستجعله ينشغل عن التفكير فى أمور اخرى أو الملل  من وجود بالمكان.

5-      ربما يمكنك ايضا اللعب معه لعبة السوبرماركت فى المنزل وكيف يشترى ويكون مسئولا فيشعر بأهمية العمل و يشعر بدوره المهم كالكبار.

من المهم والمفيد ان تداومى التحدث مع طفلك على أنه مسئول ويشاركك الاعمال وليس فقط متلقى للأوامر، سيجعله هذا يتخذ القرار الصائب الذى تريديه أنت بدون أن يشعر أنه مضطر لذلك ولكن سيعتقد أن هذا هو قراره الشخصى.



ألعاب لتعليم الأطفال التنظيم

أنا وأطفالى فى السوبرماركت

Read More

وجبات صحية فى برطمان

الوجبات الصحية فى حياتنا يجب ان تكون أسلوب حياة وليس فقط لإنقاص الوزن أو بسبب مرض (لا قدر الله) ولذلك نحاول أن نقدم لك دائما أفكار متجددة لوجبات صحية و سريعة.

إضافة إلى حقيبة الغذاء واستكمالا لموضوع الأكل الصحى نقدم الفكرة الجديدة وهى (وجبتك فى برطمان) . يمكنك استخدام البرطمانات الزجاجية لتحضير وجبات متكاملة لك وللعائلة تكون شهية المنظر وجديدة فى مكوناتها.


1- السلاطات المتنوعة:

صفى ما تفضلين من خضروات -وربما بعض المخلل- فى طبقات فوق بعض بداخل البرطمان ثم أضيفى قطع الجبن ثم الصوص الذى تفضلين واحفظيها فى الثلاجة لما بعد أو ارسليها مع زوجك الى العمل ومعها ملعقة.

يمكنك أيضا وضع الغموس المفضل فى البرطمان ثم تقطيع الخضروات طوليا فوقها لتتكون لديك وجبة سريعة شهية ومغذية للنادى

السلاطة الجاهزة وجبات سريعة فى برطمان

2- الحلوى الجاهزة:

بنفس طريقة الصفوف ضعى الكيك ثم الكريمة أو البودنج ثم الفاكهة المقطعة مكعبات لتكونى منظرا شهيا ووجبة جاهزة.

اطلقى لخيالك العنان فى مكونات الحلوى، فيمكنك وضع البسكوت المكسر ثم الزبادى ثم الفاكهة والعسل مثلا.

وجبات صحية فى برطمان snackattack

 فائدة البرطمان عن علب الغذاء العادية:

يمنحك البرطمان فرصة صف الخضروات أو المكونات فوق بعض فيحافظ عليها بدون أن تذبل أطول فترة ممكنة خاصة عند وضع الصوص اثناء الأكل أو فى القاع بعيدا عن الخضروات مع البصل مثلا فى حالة السلاطة.

طريقة الصف: توضع الخضروات الصلبة فى القاع (البصل والجزر) مع الدريسنج (الصوص) ثم الخضروات الأخف بالأعلى مثل الخيار والخضرة وأخيرا الطماطم. فتبقى صلبة.

وجبات صحية فى برطمان

وبنفس طريقة الصف السابقة يمكنك تحضير طبق سلاطة للعائلة منذ الصباح وتتركيه فى الثلاجة لتعودى فتجدى السلاطة جاهزة بدون أى تعب ومحافظة على رونقها بدون أن تذبل.

طبق السلطة المصرية

كتيب تنظيم المطبخ

وجبات صحية فى برطمان

عمل كتيب لوصفات الطبخ خاص بك بسهولة

Read More