(1)كيفية تحضير وجبات كاملة بالخطوات فى الفريزر

بقلم:  م/ إيناس خفاجى

ستات البيت او اللى بيشتغلوا وبيرجعوا مستعجلين من بره بصى يا ستى هقولك كام نصيحة ممكن تساعد على انك تجهزى وجبه متكامله في وقت قصير جدا بإذن الله، ولوعندك ميكرويف أو الفرن او الفرن الكهربائي تسخنى فيه اى حاجه انتى عايزاها ومستعجله عليها.

نرجع بقى لموضوع اﻻكل بصى يا ستى اكيد عندك يوم اجازه في اﻻسبوع، اليوم ده حتحضرى فيه أكل الأسبوع بحيث تقدرى فى نصف ساعة يوميا تسخنى أو تعملى السلطة أو تسوى طبخة ما وبكل سهوله

وجبة السمك مع الأرز:

1- هتجيبى نوع السمك او نوعين من اللى بتحبوه هتنضفيه كويس وتدعكى قلبه بنص ليمونه وتتبليه كويس وتضيفى عليه الدقيق وتحفظيه في طبق فويل او كيس ثلاجة بس بين كل سمكه وسمكه كيس عشان متعجنش

2- نيجى للرز : يا إما تعملى الرز كامل وتحفظيه في الثلاجة او إنك تحمرى البصله عادى وتسقيها الميه بعيار كميه الرز اللى هتستعمليها وتحفظيها في بطرمان او زجاجه في الثلاجة ويدوب فى يوم الوجبة تفضيها في حله تغلى على النار وتضيفى الرز بالف هنا ومتنسيش اهم حاجة السلطة الخضراء

السلطة الخضراء:

مهمة فى كل يوم ولذلك اعمليها وقطعيها واحفظيها في علبه من غير ليمون او ملح عشان متدباش وتستعملى على قد احتياجك ودى ممكن تستعمليها لمده أسبوع كامل.

وجبات الفراخ :

بعد ما تغسليها كويس اوى، تمشى عليها نص ليمونه عشان الزفارة و تتشطف كويس وتتحط على النار تغلى مرتين تغطيها وتطفى عليها وتشيليها بعد ما تبرد في كيس ثلاجة ومعاها شوربه وهتحتاجيها يدوب تدوبى التلج ثوانى تحت الحنفيه وتلاقيها فكت من الكيس وتغليها على النار وتستعملى شوربه وفرخة

يمكنك عمل صينيه بطاطس تاخد غلوة على النار وتطفى عليها تبرد لفيها بالفويل واحفظيها في الديب فريزر

صينيه مكرونه بالبشاميل:

تحفظ كاملة مجمدة وتطلع على التسخين فى الفرن. عصجى اللحمة المفرومة واسلقى المكرونة وجهزى البشاميل ولفيها بفويل وبرده في صينيه وفي الديب فريزر

تحضير الوجبات السريعة في المنزل

 
اخبر صديق



التعليقات

تعليق

تجهيز الوجبات الطبيخ

اشتركِ معنا وتابعي أحدث المقالات والعروض!

خطوات الانتقال من بيت إلى بيت
http://critic.net/